Lira sacra digitale

Siate i benvenuti nant'à stu situ amaturiale è sempre in custruzzione. 

U scopu hè bellu simplice : fà cunnosce è rende accessibile a Lira sacra, opara impurtante chi cuntene una bella parte di i canti tradiziunali sacri di Corsica.
Cuscente di a dificultà di truvà st'opara oghje, vistu ch'ella era stata pruibita trà e duie guerre mundiale, l'esemplarii so pochi. Eppuru un pudemu lascià perde sta ricchezza.
Hè parciunde chi truvarete in libaru accessu l'inseme di canti cuntenuti nentru. Ma di modu à custituisce un fondu più largu à pro di i cantori isulani, si pudaranu ritruvà canti d'altre fonte, citate longu à l'inseme di i ducumenti.
Pudete scaricà quessi custindi da stampali o mudificali, sicondu à i vostri bisogni. In casu di sbaglii o di mancanza, vi ringraziu di familla sapè da che possu curegge o aghjustà e vostre cuntribuzione.

Saranu prisenti ancu l'uffizii di e cunfraterne di Corsica, rispittendu i scritti uriginali cuntenuti in l'Ufficio della Beata Vergine Maria.

Infine, si face pricisione chì stu situ hè sempre in custruzzione. Sarà migliuratu long'à i mesi.